خبر:      

د ۲۰۱۶ د ډیسمبر په ۴مه افغانستان ټایمز ورځ پاټې یو راپور خپور کړ چې د ملګرو ملتونو د نفوس سرچینه د یکشنبه په ورځ وویل چې تر اوسه د افغانستان ۸۰٪ سلنه ښځې په خپل ژوند کې لږ تر لږه یو ډول تاوتریخوالی تجربه کوي. د عامې روغتیا وزارت استازي احمد جان نعیم وویل چې د هېواد په مختلفو برخو کې د عامې روغتیا د وزارت له طرفه ۸،۱۸۸ د تاوتریخوالي قضیې ثبت شوې دي. هغه وویل چې له دې څخه یې ۲،۸۰۶ فزیکي (جسمي) تاوریخوالي وو، ۳،۴۷۰ یې داسې قضیې وې چې ذهني حساسیت یې را پاراوه، ۱،۲۰۷ یې منبع ته لاسرسي نه درلود، ۴۰۳ اجباري ودونه وو، ۱۶۶ جنسي تجاوزونه او ۱۳۶ د جنسي اذیت قضیې ثبت شوې. د عامې روغتیا وزارت له نظره ګڼ شمیر کسان د بشري حقونو د جنډر پر ضد تاوریخولي له قانون څخه سرغړونه کوي، د اټکل له مخې په هرو درېیو ښځو کې یې یوه له فزیکي او جنسي اذیت څخه رنځ وړي. مګر په افغانستان کې د ښځو پر ضد تاوتریخوالي تر نور ټولو هېوادونو څخه لوړ دي.

تبصره:              

د ښځو پر ضد تاوتریخوالي داسې یوه ستونزه ده چې یوازې په افغانستان کې نه، بلکې په ټوله نړۍ کې شته. په ټوله نړۍ کې د دې برخې فعالیت کونکي د ښځو پرضد د تاوریخولي پای ته رسیدو غوښتونکې دي. د ملګرو ملتونو له نظره د نومبر له ۲۵ څخه بیا د ډیسمبر تر ۱۰ پورې د بشري حقونو ورځ ده. دغه ۱۶ ورځنی کمپاین غواړي چې خلک تحریک کړي ترڅو د ښځو او نجونو پر ضد تاوتریخوالي ته په ټوله نړۍ کې د پاي ټکي کیږدي، دغه نړیوال کمپاین د لومړي ځل لپاره د ښځو د نړیوال رهبري مرکز له طرفه پیل شو او د دې مرکز بنسټ په ۱۹۹۱ کې ایښودل شوي دي.

اټکل کیږي چې هر کال ۸۰۰،۰۰۰ خلک د مرزي سرحدونو تر منځ تښتول کیږي چې ۸۰ سلنه یې ښځې او نجونې تشکیلوي چې له هغوي څخه یې ۷۰ سلنه د جنسي ناوړه استفادې لپاره کارول کیږي. په ټوله نړۍ کې له لسو ښځو څخه یې اووه ښځې په نړۍ کې په خپل ژوند کې یو وار یا له جنسي او یا هم فزیکي نظره یو ډول تاوتریخوالي تجروبه کړی. په ځینو هېوادونو کې د خپل منځني ژوند د تاوتریخوالي لړي له ۱،۶ څخه تر ۵،۸ سلنې ته لوړه شوي. په نړیواله سطحه ۵۰ سلنه جنسي تجاوزونه په هغه نجونو باندې کیږې چې عمرونه یې تر ۱۶ کالو کم وي. له ۱۰۰ مېلیونو څخه زیاتې نجونې د مخالف جنس له ټاکلو څخه مخکې له منځه وړل کیږي. او هدرنګه په هرو څلور ښځو کې یې یوه د حاملګۍ په وخت کې له فزیکي او یا هم جنسي تاوتریخوالي څخه زنځ وړي. تقریبا له ۲۵۰،۰۰۰ څخه تر ۵۰۰،۰۰۰ ښځې او نجونې د روانډا په ټول وژنه کې جنسي تیري تجربه کړي. د ښځو حالت په ټوله نړې کې د خلکو په زړونو کې وېره اچولې او د دې سوال کول غواړې چې څنګه کولای شوو چې دا ډول بدبختیو ته د پاي ټکي کیږدي. سېکولریزم چې نن ورځ یې د نړۍ قدرت په لاس کې دي زیاته موده کیږي چې د ښځو د حقونو غوښتونکي دي مګر تر اوسه نه دي توانېدلي چې کوم تغیر او یا هم د ښځو پر ضد تاوتریخوالي کې کوم کموالی راوړي. سېکولریزم چې د بشر په لاس جوړ شوی قانون دی، نشي کولای چې د انسان ستونزې حل کړي. دوی یوازې غواړي چې ښځو ته د نر په شان ورته اجتماعي، اقتصادي او سیاسي حقوق ورکړي. د دا ډول کړنو په سرته رسولو سره سېکولریزم په خپلو ګټو پسې ګرځي چې  په هغه باندې د ډیموکراسۍ او پانګوالۍ اقتصادي مارکیټ ولاړ دي. دوی ښځو ته یوازې د دې اړتیا لري چې دوی د کار لویه قوه په کار واچوي او د دې شعار په ورکولو سره چې ښځې او نران سره یو ډول حقونه لري غواړي خپل اصلي قصد او اراده پټه کړي.

سېکولریزم هره ورځني کړنلارې له دین او دولت څخه جلا کړې. نو خلک په دې نظام کې هیڅ ډول اخلاق، مدهبي او نه هم کوم بل حد لري چې له خپل ځان څخه دفاع وکړي، په پایله کې دې  ته رسیږي چې زړه مې خپل چې د ښځو سره مې هر ډول چلند کاوه او د ښځو سره د خپلو غرایزو په غوښتلو سره عمل کوي او دوی ته د جنسي وسایلو په نظر ګوري. سربېره پر دې غرب ښځې ته د هغې د جسمي ښکلا له نظره ارزښت ورکوي چې دا هغه حقیقت ډېر ښه څرګندوي چې غرب ښځې ته د یوې وسیلې په سترګه ګوري. نو څرګندیږي چې د پانګوالۍ په نظام کې د ښځې د عزت ساتل ناممکنه دي. په نني اشغال شويو هېوادونو کې لکه افغانستان کې هم کوم توپیر نه لري. که هغه د جهالت یا د اسلامي مفاهیمو له لریوالي او یام هم د غرب د جنسي ازادۍ په مفکوره ولاړ وي د ښځو سره ښه چلند نه کیږي.

حل لارې په دې کې نشته چې ښځې او نران د جنس له اړخه سره یو شان وګڼو او یا هم دواړه را سره په جنګ واچوو چې څوک به ډېر حق ولري او یا هم ښځې ته اجازه ورکړل شي چې دومره ځان بې حجابه کړي چې څومره یې زړه وي له دې امله چې دوی ته ونه ویل شي چې حجاب یې په زور در باندې اغوستی او په دې که هم نشته چې د جنسي ازادۍ په ورکولو سره خپله د کورنۍ او د مور د رول لوبول له منځه یوسي او یا هم ښځو ته د امن د خونو په جوړلو سره او یام هم د همجنس بازي په قانوني کولو سره دا ستونزې حل کړي. دا ډول قانونونه په زیاتو غربي هېوادونو کې جوړ شوي خو بیا هم د ښځو پر ضد تاوتریخوالی په نړیواله سطحه شته او هیڅ ډول تغیر یې هم نه دی پکې راوړي.  

نړۍ داسې یوې رهبري ته اړتیا لري چې په رښتیا سره د ښځو د حقونو څخه دفاع وکړي. په حقیقت کې داسې یو نظام چې هغه د خپلو ګټو په اړه نه بلکې د ښځو د ګټو په اړه فکر کوي. داسې یو دولت چې دې ته چمتو وي چې ښځې د عزت د ساتلو لپاره د پوځ کرښو ته د استولو لپاره چمتو وي. داسې یو قانون غواړي چې الله سبحانه وتعلی ته ښځې او نران په کې یو شان وي او په هغه نظام کې جنت د مور تر پښو لاندې دی.

نړې بیا د پیغمبر صلی الله علیه وسلم په منهج د خللافت تاسیسول غواړي! یو ځانګړی دولت چې اساس یې اسلام دی او له هیڅ بشر سره به په نامناسبه توګه چلند نه کوي.

﴿وَمَن لَّمۡ يَحۡڪُم بِمَآ أَنزَلَ ٱللَّهُ فَأُوْلَـٰٓٮِٕكَ هُمُ ٱلظَّـٰلِمُونَ﴾

[۵:۴۵]

هغه څوک چې په هغه څه امر نه کوي چې الله را نازل کړي، ظالمان دي

د حزب التحریر مرکزي مطبوعاتي دفتر ته د امانا عابد لیکنه